يالا نبتدي..
ــــــــــــــــــــــــــــ
مرة واحد قال لخطيبتة :خلاص يا حبيبتي من هنا ورايح أول ما عدي عليكي وأزمر تنزلي علطول
قالتلة:مبروك يا حبيبي..أنت جبت عربية
قالها: لأ جبت زمارة
ــــــــــــــــــــــــــــــــــــــــــــــــــ ـــــــــــــــــــــــــــــــ
مرة ولد صغير راح لراجل بيبيع جيلاتي قالوا:عمو عمو عندك جيلاتي بالكوسة
يرد علية الراجل ويقولة لايابنى معنديش ..عدي علية الولد تاني وقالة:عمو عندك جيلاتي بالكوسة
يرد علية الراجل ويقولة لا يابني ..الراجل شك وأتصل ببتوع الجيلاتي وقالهم:في جيلاتي جديد بالكوسة
قالولة:مين العبيط اللي قالك كدة..قالهم الراجل:ولد صغير قارفني كل يوم يعدي عليا ويسألني علية
قالولة بتوع الجيلاتي:ياعم لما يجي أديلة أي جيلاتي
المهم ..الولد عدي ع الراجل وقالة :عمو عمو في جيلاتي بالكوسة ..رد علية الراجل وقالة:أة يابني فية
راح الولد قالة: يع أخييييية
ــــــــــــــــــــــــــــــــــــــــــــــــــ ــــــــــــــــــــــــــــــ
اتنين مساطيل أتفقوا ان اول واحد حيعدي عليهم يقطعوا راسة ويلعبوا بيها كورة
عدي عليهم واحد مسطول بردة قالوله أحنا حنقطع راسك ونلعب بيها كورة
راح الراجل مطلع من جيبوا مطوة وضرب بيها راسة وقالهم دة أنا أفرقعهالكم قبل ما تلعبوا
ــــــــــــــــــــــــــــــــــــــــــــــــــ ـــــــــــــــــــــــــــــــــــ
مرة واحد عثماني بيزعق مع واحد عثماني دة يقول للتاني انت أحول يجي التاني قايلة لأ انت أحول
وهكذا لحد ما واحد منهم قال خلاص أحنا نروح لكبير العثمانين وهو يحكم
المهم راحولة وقالولة ياكبير مين فينا الأحول ...رد كبير العثمانيين وقال
...الاتنين اللي بيتخانقوا يجوا علي جنب والباقي يمشي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
مرة واحدة راحت لجارتها وقالتلها مش عارفة يا ختي جوزي مش بيغير عليا خالص
قالتلها جارتها ولا يهمك خدي بنطلون أبو أسماعيل جوزي وأرمية ع السرير بتاعكوا
عملت الست كدة ولما جة جوزها قالها بنطلون مين دة ياولية قالتلة دة بنطلون أبو أسماعيل جارنا
قالها طب خدية وأديهولوا...الست زعلت خالص وحكت لجارتها ع اللي حصل
قالتلها جارتها ولا يهمك خدي ابو أسماعيل جوزي ذات نفسة وحطية في الدولاب عندكوا
ولما رجع جوزها قالتلة أنا معنديش فاستين خالص..رد عليها جوزها وقالها أزاي كدة
وراح قايم وفاتح الدولاب وقالها أهوو عندك فستان اتنين تلاتة تعالي يمين شوية يابو أسماعيل
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
مرة واحد صعيدي راح يشتري قفل راح الراجل صاحب المحل جابلة قفل كبير راح الصعيدي
قايل يابوي ..راح الراجل مغير القفل وجاب قفل صغير راح الصعيدي قايل يا خوي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
مرة أتنين صعايدة واحد أسمة هريدي والتاني أسمة جعيدي كان عندهم حصانين هريدي قال لجعيدي
أحنا عايزين نعلم الحصان بتاعي بحاجة وبتاعك بحاجة..جعيدي قالة ولا يهمك راح جعيدي
قاطع رجلين الحصان دة ورجلين الحصان التاني راح هريدي قايلة لسة الاتنين زي بعض
راح جعيدي قاطع للحصان دة ديلة والحصان التاني ديلة راح هريدي قايلة لسة زي بعض
راح جعيدي قايلة ياعم انت حتزهقني خد انت الحصان الابيض وانا حاخد الاسود
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
يارب تكون النكت عجبتكوا....ورونا بقي الردود الحلوة من الأعضاء الحلوة